O pasado sábado comezou a funcionar un novo depósito de auga potable na parroquia de Xinzo, nun acto organizado pola Xunta Directiva da comunidade de usuarios da traída de augas de Xinzo-Norte , ao que asistiu o alcalde, Salvador González Solla e o concelleiro de Servizos Comúns, Alberto Novoa.
A construción deste novo depósito contou cun investimento de 56.713 euros e as obras complementarias de mellora da rede e das conexións con 20.000 euros, que suman un investimento total de preto de 77.000 euros.
Esta infraestrutura, posta en marcha o pasado sábado, consta dun depósito de formigón armado con capacidade útil para 300.000 litros, dotado dunha caseta de aloxamento de válvulas e pintado interiormente con pintura homologada por Sanidade para auga potable.
O alcalde de Ponteareas, Salvador González Solla, explicou que, “o concello coñecía a necesidade deste infraestrutura, por ser prioritaria para que Xinzo tivera garantido un subministro de auga potable para toda a veciñanza”.
Destacou González Solla, “a colaboración da Comunidade de Augas de Xinzo-Norte sen a que, dificilmente, se podería ter conseguido a posta en marcha deste servizo básico”.
![Contido - Tecla de acceso directo [ C ]](./img/layout.gif "Contido - Tecla de acceso directo [ C ]")
![Subseccións - Tecla de acceso directo [ S ]](./img/chart_organisation.gif "Subseccións - Tecla de acceso directo [ S ]")
![buscar - Tecla de acceso directo [ B ]](./img/zoom.gif "buscar - Tecla de acceso directo [ B ]")
![Identificarse no portal - Tecla de acceso directo [ L ]](./img/user.gif "Identificarse no portal - Tecla de acceso directo [ L ]")
![Ler o correo - Tecla de acceso directo [ M ]](./img/icon_mail.gif "Ler o correo - Tecla de acceso directo [ M ]"){kind=icon}
Resumo 
SUBSECCIÓNS 
Sección superior O Concello 
Login
IMAXES