Continuan as obras no colexio Nosa Señora dos Remedios

Inicio

SUBSECCIÓNS

FESTAS SETEMBRO

Mes de Setembro

Tramitación en liña

Enlaces

Xoves, 29 de Xullo de 2010 ás 07:53 horas

Continúan a bo ritmo as obras de construción da cuberta da pista polideportiva no Colexio Nosa señora dos Remedios, que desenvolve a Concellería de Educación, que dirixe José Iglesias Fernández, ao abeiro do “Programa de Instalacións Auxiliares e Deportivas en Centros Escolares”. Estes traballos consisten en cubrir a pista polideportiva de tal xeito que poida ser utilizada en condicións meteorolóxicas adversas.

Segundo o concelleiro de Educación, José Iglesias Fernández, todos estes traballos “buscan ofrecer unhas maiores condicións de comodidade aos escolares ponteareáns e ao profesorado dos distintos centros obxecto das actuacións”.

Pola súa banda, o Tenente de Alcalde, Juán Carlos González Carrera, quen visitou as obras para ver o estado na que se atopaban, salientou que “os investimentos que se fan nos centros escolares, tanto con fondos de distintos plans, como con fondos propios do Concello, responden a sensibilidade que, desde sempre, amosamos cara a comunidade educativa e coas peticións que nos realizan as ANPAS dos nosos colexios”.

Cómpre destacar tamén que “cos nosos medios estanse a substituír as portas de todas as aulas do centro que, por ter demasiados anos, estaban moi deterioradas”.

Juan Carlos González Carrera tamén comunicou o comezo nos próximos días das obras que se levaran a cabo no colexio Fermín Bouza Brey.